凍到不幸 | 打工仔保暖自救有法

---

寒風凜冽，枕暖床高，夢裏不知天曉，醒來亦無可奈何。一個唔留神，小編我又遲到啦！ 

雖然香港不至於會落雪，但寒流來襲、濕凍起黎都夠攞命，冬天起身返工真係意志堅定少 d 都唔得。自問都着到成個米芝連咁，點解都仲係咁寒既？唔通只有打邊爐同雞煲先可以解決問題？睇下小編今次搵既資料，睇下幫唔幫到你！ 

---

以下身體部位真係唔凍得，包括： 

1. 儘量戴帽以免頭部受冷而頭痛 

2. 有需要時亦可戴上頸巾及確保頸部溫暖 

3. 儘量用鼻呼吸，不要用口呼吸；有需要可以戴口罩減少吸入冷空氣

4. 有足夠的衣服、背心外套保持肩膀及後背溫暖 

5. 睡覺時，被子應蓋住肩膀及肚 

6. 手腳屬於四肢末端，血液循環相對較差。儘量穿着長褲，確保雙腳、膝蓋溫暖；另外，穿着襪子 (甚至厚襪) 以免讓你的腳板直接觸碰到冰涼的地面 

7. 戴 (可以玩手機既) 手襪 

   
   
   
   

暖身食物唔少得 

減少凍飲、生冷食物呢 d 真係好基本！多吃暖身食物，例如紅茶、薑、大蒜、胡椒、辣椒、紅棗、黑芝麻、根莖類食物 (蘿蔔、淮山、南瓜、番薯、薯仔)、栗子、洋蔥、韭菜等。如果你係咖啡愛好者，不妨加少少肉桂粉，不但增添風味，亦有暖身效果。 

堅持運動，定期曬太陽 

好多打工仔返幾耐工，就坐足咁耐。如果能夠安排時間做運動，例如跑步、打波、瑜伽……，讓身體伸展一下，提升血液循環，鍛鍊心肺。記住，係冬天做運動更加要做好熱身，減少受傷的機會。同時亦應注意運動前後的保暖，及時抹汗保持身體乾爽。而每日最少曬太陽 15分鐘，吸收足夠的維他命 D之餘，晚上會更易入睡。 

在家亦要注意保暖

雖然好多打工仔都有出街既冬天 fashion，但係屋企都有 d 細節位要留意架！ 

1. 剛剛睡醒時，血液循環會比較慢。請慢慢起身，也可以在床上稍微伸展四肢，減少出現頭暈、眼花等不適 

2. 無論是剛睡醒、或者是半夜起床去廁所，請務必穿上外套，減少身體在短時間內所感受的溫差 

   
   

冬天唔單止好凍，亦係好發心血管、中風、胃潰瘍等疾病的時節。除左覺察自己的身體，亦請多關心身邊人的情況 (例如有冇持續頭痛、胸痛)，讓大家一齊過一個溫暖既聖誕及新年！